Slippurinn Fiskeldi

Fiskeldissvið Slippsins á Akureyri er eitt af fjórum sérhæfðum sviðum fyrirtækisins og þjónar sérstaklega fiskeldisgeiranum, með áherslu á landeldisstöðvar. Þetta nýja svið býður upp á fjölbreytta þjónustu og lausnir fyrir fiskeldisfyrirtæki og nýtir þá miklu verk- og sérfræðiþekkingu sem Slippurinn hefur byggt upp í áratugi.

Með sérhæfðum búnaði og þekkingu, getur Slippurinn veitt fiskeldisstöðvum fullkomna aðstoð í verkefnum á borð við uppsetningu, viðhald og endurbætur, og hjálpað þeim að hámarka afköst og rekstraröryggi. Fiskeldissviðið styrkir þannig stöðu Slippsins sem lykilaðila í vaxandi fiskeldisiðnaði.